Байтик айылында унаа бакты сүзүп, 19 жаштагы айдоочу каза болду

Чүйдүн Байтик айылында унаа бакты сүзүп, 19 жаштагы айдоочу каза болду. Бул тууралуу SUPER.KG порталына Чүй облустук жол кыймылынын коопсуздугун камсыздоо башкармалыгынын басма сөз кызматынан билдиришти.

Маалыматка ылайык, окуя бүгүн, 22-июнь күнү таңкы саат 07:40 чамасында Бишкек - Ала-Арча жолунун 4-чакырымында болгон. Анда Хонда Фит үлгүсүндөгү унаа түштүктөн түндүктү көздөй жогорку ылдамдыкта бара жатып, айдоочусу рулга ээ боло албай калган. Натыйжада жолдун жээгиндеги бакты сүзүп, унаа оодарылып кеткен.

Унаанын айдоочусу 2003-жылы туулган Н.У. аттуу жаран алган жаракатынан улам окуя болгон жерде каза болгон.

Автор: Айзада Кыдырмышева