17 жаштагы баланын телефонун уурдаганга шектелген жаран кармалды

Бишкекте уюлдук телефон уурдаганга шектүү жаран кармалды. Бул тууралуу Свердлов райондук ички иштер башкармалыгынын басма сөз кызматынан билдиришти.

Маалыматка ылайык, милицияга Б.Т. аттуу жаран арыз менен кайрылган. Анда ал 10-июнь күнү борбор калаадагы компьютердик клубдардын биринен жашы жете элек 2005-жылы туулган уулунун 11 миң сомдук уюлдук телефонун жашыруун уурдап кеткен белгисиз адамдарга карата чара көрүүнү өтүнгөн.

Бул факты Кылмыш-жаза кодексинин 205-беренеси (тоноо) менен катталып, тергөө амалдары башталган.

Жүргүзүлгөн издөө иш-чараларынын жүрүшүндө кылмышка шектүү катары 1997-жылы туулган С.Т. аттуу жаран кармалган.

Учурда шектүүнүн башка кылмыштарга катыштыгы бар экендигин аныктоо боюнча тергөө иш-чаралары жүргүзүлүүдө.

Автор: Айзада Кыдырмышева