реклама
super.kg logo

Казакпаев менен Асанбаевдин өлүмүн иликтеген комиссия УКМКнын СИЗОсундагы видеобайкоодогу тасмаларды көрүп чыкты

 

Бүгүн, 23-июнь күнү саясат таануучу Марат Казакпаев менен “Айыл Банктын” төрагасынын мурдагы орун басары Бакыт Асанбаевдин өлүмүн иликтеген комиссиянын тобу УКМКнын тергөө абагынын ичиндеги видеобайкоодогу тасмаларды көрүп чыкты.

Комиссиянын жетекчиси, министрлер кабинетинин төрагасынын орун басары Эдил Байсаловдун айтымында, каза болгондордун комиссияга кирген жакындары да тасмаларды көрүшкөн.

"Казакпаев жана Асанбаев каза болоор алдында алардын жанында болгон адамдар менен сүйлөшүп чыктык. Видеобайкоого жазылып калган тасмаларды да деталдуу көрдүк. Биз менен чогуу эки маркумдун тең жубайы кирди.

Дагы эки жумадай иштейбиз. Мындан сырткары медициналык экспертизанын жыйынтыктарын күтүп жатабыз. Бизден тышкары бул иш боюнча тергөө өз алдынча жүрүп жатат.

Расмий айта албайм, анткени комиссиянын жыйынтыгы жок. Жеке мен айтсам, видеодо Бакыт Асанбев өз жанын кыйып жатканы көрүнүп турат", - деди Байсалов.

Белгилей кетсек, 9-июнда Марат Казакпаев оор абалда ооруканага жеткирилип, комага түшкөн. Серепчи 10-июнда №1 шаардык клиникалык ооруканасында көз жумган. Ага геморрагиялык инсульт деген диагноз коюлган.

Ал эми 18-июнга караган түнү саат 00:55 чамасында Бакыт Асанбаев УКМКнын тергөө абагында асынып алгандыгы кабарланган.




aksia550_3


 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг -1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
192778;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: