"Бычак менен коркуткан". Бишкекте каракчылыкка шектүү жаран кармалды

Бишкекте каракчылыкка шектүү жаран кармалды. Бул туурасында Биринчи Май райондук ички иштер башкармалыгынын басма сөз кызматынан билдиришти.

Маалыматка ылайык, милицияга А.А. аттуу жаран арыз менен кайрылган. Анда 1-апрелде саат 20:30 чамасында Урицкий көчөсүндө белгисиз жаран арыз ээсинин жашы жете элек 2006-жылы туулган инисин бычак менен коркуткан. Ошондой эле анын 25 миң сомдук Редми-9T үлгүсүндөгү телефонун коркутуу жолу менен алып, белгисиз тарапка качып кеткенин жазган.

Жүргүзүлгөн издөө иш-чараларынын жүрүшүндө кылмышка шектүү катары 1987-жылы туулган М.Ч. аттуу жаран кармалган.

Учурда тергөө иштери уланып жатат.

Автор: Айпери Бакталбек кызы