Оштогу мыйзамсыз жеке менчикке берилип кеткен жер боюнча кылмыш иши козголду

Оштогу мыйзамсыз жеке менчикке берилип кеткен жер боюнча кылмыш иши козголду. Бул тууралуу Башкы прокуратуранын маалымат кызматынан билдиришти.

Маалыматка ылайык, Ош гарнизонунун аскер прокуратурасы тарабынан Коргоо министрлигинин Ош турак-жай пайдалануу бөлүгүнүн жана Ош шаардык мэриясынын кызмат адамдары тарабынан “коргоо жерлери” категориясына кирген баасы 1 миллион сомдон ашык жер тилкеси мыйзамсыз жеке менчикке берилип кеткен фактысы аныкталды.

Бул факты боюнча жооптуу кызмат адамдарга карата Кылмыш-жаза кодексинин 337-беренеси (Кызмат абалынан кыянаттык менен пайдалануу) менен кылмыш иши козголуп, тергөө амалдары жүргүзүлүүдө.

Автор: Алина Айдарбекова