Баткенде издөөдө жүргөн шектүү Бишкектен кармалды

Баткенде издөөдө жүргөн киши Бишкектен кармалды. Бул тууралуу Баткен ОИИБинин басма сөз кызматынан билдиришти.

Маалыматка ылайык, Баткен районунун Кайыңды айылынын 28 жаштагы А.К. аттуу тургуну 2021-жылдын май айынан бери издөөдө жүргөн.

Баткен районунун аймагында жүргүзүлүп жаткан «Адам сатуу» операциясынын негизинде Баткен РИИБинин кылмыш иликтөө бөлүмүнүн кызматкерлери тарабынан издөөдө жүргөн 28 жаштагы шектүү 2022-жылдын июнь айынын аяктарында Бишкек шаарынын аймагынан жашынып жүргөн жеринен кармалып, Баткен РИИБинин убактылуу кармоочу жайына киргизилди. Учурда тергөө иштери жүрүп жатат.

Автор: Айсалкын Качкынбекова