Кечээ, 11-июль күнү Аламүдүн районуна караштуу Молдовановка айылы менен Ленин айылынын ортосунда жайгашкан таштанды таштоочу жайда өрт чыккандыгы маалымдалган.
Өзгөчө кырдаалдар министрлигинин басма сөз кызматынан билдиришкендей, жерине саат 15:11де Аламүдүн райондук №1 өрткө каршы куткаруу кызматынан 1 бир бөлүм, 1 суу ташуучу унаа тартылган. Тилсиз жоо саат 15:56да чектөөгө алынып, толугу менен саат 17:00дө өчүрүлгөн.
Такталган маалыматка ылайык, таштанды таштоочу жайдын 1 гектарга жакын аянты күйгөн. Учурда өрттүн келип чыгуу себеби такталууда.