Ысык-Көлдө мечиттин сыртында токтоп турган Toyota унаасын уурдап кеткенге шектүү кармалды

Ысык-Көлдө иш сапары менен жүргөн кайгуул кызматкерлери унаа уурдап качууга шектелген жаранды кармады. Бул тууралуу милициянын кайгуул кызматынан билдиришти.

Билдирүүгө ылайык, кечээ, 16-июль күнү Чоң-Сары-Ой айылынын 1965-жылы туулган Т.М. аттуу тургуну арыз менен кайрылган. Арызында ал ошол эле күнү болжол менен саат 04:45 чамасында Чоң-Сары-Ой айылындагы мечиттин сыртына Тойота Карина үлгүсүндөгү унаасын токтотуп, таңкы намазын окууга кирип, кайра чыккан учурда унаасын белгисиз адам айдап качып кеткенин билдирген.

Жазылган арыздын негизинде кайгуул кызматкерлери ыкчам издөө иш-чараларын жүргүзүп, аталган унааны Чолпон-Ата шаарынын күн чыгыш тарабынан А.Н. аттуу жаран айдап бара жаткан жеринен кармалып, андан ары тийиштүү чара көрүү үчүн тергөө кызматына жеткиришкен.

Автор: Азат Бейшенбеков