Чүйдө уурулукка шектелип 21 жаштагы жаран кармалды

Чүй облусунун Аламүдүн районунда алтын-күмүш буюмдарын уурдоого шектелген жаран кармалды. Бул тууралуу Чүй ОИИББинин басма сөз кызматынан билдиришти.

Маалыматка ылайык, 3-июль күнү милицияга Б.Е. аттуу жаран арыз менен кайрылып, анда белгисиз жарандар үйүнө кирип алтын жана күмүш буюмдарын уурдап кеткенин билдирген.

Бул факты Кылмыш-жаза кодексинин 205-беренеси (уурдоо) боюнча катталып, сотко чейинки өндүрүш иштери башталган.

Натыйжада кылмышка шектелип 21 жаштагы П.Р. аттуу жаран кармалып, убактылуу кармоочу жайга киргизилген.

Учурда териштирүү иштери жүргүзүлүүдө.

Автор: Айпери Бакталбек кызы