Жөө бараткан аялды сүзүп, аны ооруканага жеткирип кийин качып кеткен айдоочу кармалды

Бишкекте жөө адамды сүзүп, ооруканага жеткирип андан ары качып кеткен айдоочу кармалды. Бул тууралуу Милициянын кайгуул кызматынан билдиришет.

Маалым болгондой, 14-июлда саат 14:10 чамасында белгисиз айдоочу Жаш Гвардия бульвары менен Жибек-Жолу кең көчөсүнүн кесилишинен унааны артка айдап жатып, 1969-жылы туулган А.Н. аттуу аялды сүзүп, кийин ооруканага жеткирген. Андан кийин айдоочу качып кеткен.

Бул факты боюнча кайгуул кызматынын издөө бөлүмү ыкчам издөө иш-чараларын жүргүзүп, кылмышка шектүү катары Деу-Нексия үлгүсүндөгү автоунаанын 1970-жылы туулган Т.З. аттуу айдоочусун аныктап, Бишкек ШИИББинин Жол кырсыктарын тергөө боюнча тергөө кызматына өткөрүп беришкен.

Автор: Айжанар Рыспек кызы