Токмокто зордукталган 16 жаштагы кыз оор абалда ооруканага жаткырылды

Токмокто зордукталган 16 жаштагы кыз ооруканага жаткырылды. Бул тууралуу укук коргоочу Назгүл Турдубекова Фейсбук баракчасына жазды.

"Токмок шаарында сексуалдык зомбулукка кабылган 16 жаштагы кыз жандандыруу бөлүмүнө жаткырылды. Апасынын айтымында, зордукчу кызды жана үй-бүлөсүн коркутууну улантууда, ал үйгө тапанча менен келип, эшиктерди тээп, социалдык тармактардан кызды аңдууда.

Чүй ОИИББи пресс-релиздеринде шектүү тарапты карманып, тергөөнүн бардык чоо-жайын жарыялап жатат. Чүй ОИИББинин башчысы кызматтан алынсын. Эмне үчүн биз аны камсыздашыбыз керек?", - деп жазган Турдубекова.

Чүй облустук ички иштер башкы башкармалыгынын басма сөз кызматынан билдиришкендей, окуя ушул жылдын май айында болгон. Анда 53 жаштагы арыз ээси жашы жете элек кызын белгисиз жаран зордуктап, денесине залал келтиргени боюнча милицияга арыз менен кайрылган.

Автор: Айзада Кыдырмышева