Ысык-Көлдө 4 жаран эс алуучуларды оюнчук тапанча менен коркутуп тоноп кетти

Ысык-Көлдө төрт жаран оюнчук тапанча менен коркутуп, каракчылык кылышты. Бул тууралуу Ысык-Көл РИИБинен билдиришти.

Маалыматка ылайык, 30-июль күнү Бишкек шаарынын тургуну арыз менен кайрылган. Өзүнүн арызында 29-июлдан 30-июлга караган түнү болжол менен түнкү саат 23:00 чамасында өзүнүн 16 жаштагы иниси менен Бостери айылында жайгашкан «Университет» пансионатынын көл жээгинде сейилдеп жүрүшкөндө, аларга болжол менен 17-20 жаштагы белгисиз балдар келишип, такталбаган үлгүдөгү тапанча менен коркутушуп, акча каражаттарын, уюлдук телефондорун, күмүш шакектерин жана башка буюмдарын карактап кетишкендигин билдирген.

Жабырлануучуларга келтирилген жалпы материалдык чыгым 43 миң 200 сомду түзгөн.

Кылмышка шектүү катары 17 жаштагы Жалал-Абад облусунун тургундары М.О., Д.Т., Чүй облусунун тургуну Н.И. жана 16 жаштагы Нарын облусунун тургуну Т.Б. кармалган. Райондук соттун чечими менен шектүүлөр 1 айга камакка алынган. Учурда тергөө амалдары уланууда.

Архив
Комментарийлер (0)
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА