Ырчы Бек Исраилов маркум акын Акжол Канатбек уулуна арнап ыр чыгарды (аудио)

Ырчы Бек Исраилов төкмө акын, көптөгөн ырлардын автору Акжол Канатбек уулуна арнап ыр чыгарды. Бул тууралуу ырчы өзү SUPER.KG порталына билдирди.

"Акжол жакын, чыныгы досум болчу. Жоготконубузга быйыл 3 жыл болуп калды. Чогуу жакшы күндөрдү өткөрдүк, ырларымдын көбүн жазып берген. Өзү да башкача, бир калыпта жүргөн, шайыр жана таланттуу бала эле. Акжолду көп эстейбиз, ошондон улам эле ыр чыгып кетти. Маданият чөйрөсүндө жүргөндөн кийин ырларды арнап, эскерип турсак Акжолдун аты эч качан өчпөйт", - деди Бек Исраилов.

Эске сала кетсек, төкмө акын Майра Керим кызынын таланттуу уулу Акжол Канатбек уулу 11-ноябрга караган түнү Балыкчыдан Кочкорго бара жатып жол кырсыгына кабылган. Ал отурган унаа жүк ташуучу унаа менен кагышып, алдына кирип кеткен. Мунун кесепетинен Акжолтой, жубайы жана дагы эки жигит каза болгон.

Архив
Комментарийлер (0)
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА