Чүйдө адам өлүмү менен коштолгон жол кырсыгы. Айдоочу мас абалда кармалды

Панфилов районунда адам өлүмү менен коштолгон жол кырсыгына мас айдоочу шектелүүдө. Бул тууралуу Чүй ОИИББинен билдиришти.

Маалыматка ылайык, 20-август күнү Чүй облусунун Панфилов районунун 80-чакырымындагы Бишкек-Чалдовар унаа жолунда 1971-жылы туулган П.Э.нын башкаруусундагы Опел-Омега үлгүсүндөгү унаа менен 1979-жылы туулган К.К. аттуу жарандын башкаруусундагы Киа үлгүсүндөгү унаалар сүзүшкөн.

Натыйжада Кианын айдоочусу алган жаракатынан улам каза болгон. Ал эми Опел-Омега унаасынын айдоочусу П.Э. мас абалында болуп, каршы тилкеге чыгып кеткен.

Аталган факты боюнча кылмыш иши козголгон. Опел-Омега унаасынын айдоочусу кармалып, убактылуу кармоочу жайга киргизилди. Тергөө иштери уланууда.

Автор: Алина Айдарбекова