Бишкекте 1 миллион 200 миң сом уурдоого шектүүлөр кармалды (видео)

Бишкекте 1 миллион 200 миң сом уурдоого шектүүлөр кармалды. Бул тууралуу Октябрь РИИБинин басма сөз кызматынан билдиришти.

Маалыматка ылайык, 25-июнда Т.М аттуу жаран милицияга таңкы саат 05:30 чамасында Көк-Жар конушундагы үйүнө белгисиз адамдар кирип, 1 миллион 200 миң сом өлчөмүндөгү акчасын уурдап кеткендигин айтып, арыз менен кайрылган.

Бул факты боюнча Кылмыш-жаза кодексинин 205-беренесинин (уурдоо) негизинде кылмыш иши козголгон. Кылмышка шектүү катары 1988-жылы туулган Ч.З жана 1986-жылы туулган К.Н. аттуу жарандар кармалып, убактылуу кармоочу жайга камакка алынышты. Кармоо учурунда шектүүлөрдөн 2,5 грамм апийим табылган. Аталган жарандардын буга чейин да уурулук фактысы боюнча бир нече жолу соттолгондугу айтылат.