"Кыргызстанга келе жатышкан". Казакстанда автобус жол четине чыгып кетип 12 адам жабыркады

Казакстандын Түркстан облусунда чет элдик жумушчулар бар автобус трассадан жолдун четине чыгып кетип, 12 адам жабыркады. Бул тууралуу казак басылмалары жазышты.

Маалыматка караганда, кырсык бүгүн, 27-августта болгон. Анда Шакпак айылынын унаа жолунун 601-чакырымында автобустун айдоочусу рулга ээ боло албай калган.

Алдын ала алынган маалыматтар боюнча, автобуста чет элдик жумушчулар болгон. Алар Өзбекстандан Кыргызстанга келе жатышкан.

Кырсыктан жабыркаган 12 адам жакынкы ооруканага жеткирилген.

Автор: Сезим Жумагулова