Бишкекте жүзүнө операция жасаткан аял милицияга кайрылды

Бишкекте жүзүнө жасаткан операциянын жыйынтыгына нааразы болгон жаран милицияга кайрылды. Бул тууралуу Ленин РИИБинин басма сөз кызматынан кабарлашты.

Маалыматка ылайык, 25-августта Ленин РИИБине К.А. аттуу аял "Ош базарынын" аймагындагы “Н.” аттуу чала тааныш кызына чара көрүү өтүнүчү менен кайрылган. Ал 23-февралда “Ош базарынын" аймагындагы косметологиялык клиникалардын биринен бетине операция жасатканын жана жыйынтыгы күтүлгөндөй болбой, жүзүндө так калып калгандыгын айткан.

Бул факты боюнча тиешелүү экспертиза дайындалып, тергөөгө чейинки текшерүү иштери башталды.

Автор: Бек Оморбеков
Фото: Интернеттен алынды