Бишкекте жөө жүргүнчүнү сүзүп алып качып кеткен айдоочу кармалды

Бишкекте жөө жүргүнчүнү сүзүп алып качып кеткен айдоочу кармалды. Бул тууралуу Милициянын кайгуул кызматынан билдиришти.

Маалыматка ылайык, 29-августта болжол менен саат 21:20да белгисиз айдоочу унаасы менен Жибек-Жолу жана Ала-Арча көчөлөрүнүн кесилишинен 1976-жылы туулган Б.Н. аттуу жөө жүргүнчүнү сүзүп, окуя болгон жерден качып кеткен. Натыйжада жөө жүргүнчү жабыркап, ооруканага жеткирилген.

Аталган факты боюнча жүргүзүлгөн ыкчам издөө иш-чараларынын алкагында шектүү катары Kia Ceed унаасынын 1988-жылы туулган К.Т. аттуу айдоочусу кармалды.

Автор: Бек Оморбеков
Фото: Бишкек шаардык милициянын кайгуул кызматы