Балыкчыда акча уурдагандар колго түштү (фото)

Балыкчыда акча уурдоого шектүүлөр кармалды. Бул тууралуу Ысык-Көл облустук милициясынан билдиришти. Маалыматты SUPER.KG порталына облустук милициянын басма сөз кызматы тастыктады.

Маалымдалгандай, 5-сентябрда Балыкчы ШИИБне арыз менен Ысык-Көл районунун Чырпыкты айылынын О.Т. аттуу тургуну кайрылган. Анда ал ошол күнү саат 10:30 чамасында Балыкчы шаарында жайгашкан «Алтын Сандык» тамактануучу жайынан кара түстөгү кол сумкасын, ичиндеги 300 АКШ доллары, 4 миң сом суммасындагы акчасын жана документтерин белгисиз адамдар уурдап кеткенин билдирген.

Аталган факты боюнча кылмыш иши козголуп, ыкчам-иликтөө иш-чараларынын натыйжасында, Балыкчы шаарынын 1973-жылы туулган Ж.Р. жана 1981-жылы туулган Т.К. аттуу жарандарды колго түшүргөн.

Шектүүлөр алгачкы суракта эле күнөөлөрүн толук моюнуна алып жана далил зат катары жабырлануучуга тиешелүү акча жана документтер алынган. Алар убактылуу кармоо жайына киргизилди.

Автор: Максуда Кудайбердиева