Эмне үчүн УТРК Белграддагы Дүйнө чемпиондугун көргөзбөй жатат? Расмий жооп

Интернет айдыңында "Эмне үчүн Улуттук телерарадио берүү корпорациясы (УТРК) күрөш боюнча Дүйнө чемпиондугун көргөзбөй жатат?" деген суроо талкууга алынууда.

Мындан улам КТРК Спорт телеканалынын продюсери Шайырбек Арапов бул боюнча үн катты. Анын айтымында телеканалдын түз эфирден көрсөтүүгө лицензиясы жок. Лицензияны алуу дагы кымбат.

"Урматтуу спорт күйөрмандары, Эмне үчүн КТРК Спорт күрөш боюнча Дүйнө чемпионатын көрсөтпөй жатасыңар деген суроолор келүүдө. Ооба, көрсөтпөй жатабыз. Анткени бизде лицензия жок, лицензия абдан кымбат турат. КТРК Спорт контент, лицензия сатып алсын деп мамлекет тарабынан, бюджеттен акча каралган эмес. Кандай спорттук иш-чараларды чагылдырып жатсак, ошонун баары мүмкүнчүлүккө жараша болууда.

"КТРК оператор жибериптир, бирок түз эфир чыгарбай жатат" деп күнөө койгондор үчүн айтаарым, КТРК оператор жиберген жок, жиберген күндө да оператор тартып, түз эфирге чыгара албайт. Анткени Дүйнөлүк күрөш федерациясы UWW өз контентин толугу менен көзөмөлдөп, коргоп турат. Лицензия үчүн акча керек, мурда жарнама аркылуу лицензиялар алынып турган. Компаниялардын баары интернет жарнамага өтүп кеткендигине байланыштуу акыркы жылдары андай жарнама кирбей жатат. Өлкөбүздөгү компанияларга бартер менен иштешүүгө канчалаган сунуштарды жиберебиз, бирок алар иштешүүгө макулдук бербей келет", - дейт ал.

Ошондой эле ал Дүйнөлүк күрөш федерациясы UWW сунушталган суммага макул болсо, 2023-жылдан баштап сөзсүз көрсөтүүлөрдү чыгарарын белгиледи.

"Азыркы учурда 2023-жылга карата күрөш боюнча турнирлердин лицензиясын алуу үчүн сүйлөшүүлөр жүрүп жатат. Эгер Дүйнөлүк күрөш федерациясы UWW биз сунуштаган суммага макул болсо, сөзсүз 2023-жылдан баштап көрсөтөбүз. Лицензия жок болсо да КТРК Спорт телеканалынын комментатору өз убагында интервьюларды алып, бизге жаңылыктарга жиберип жатат. Сиздердин айыптоолорду туура түшүнөм, бирок биздин азыркы учурдагы бюджетибиз лицензия алууга жол бербейт", - деди Арапов.

12:28 12-09-2022

Автор: Каныкей Амантаева

Жазылуу

РУБРИКАДАГЫ СОҢКУ КАБАРЛАР

15:36 2024-05-12 | Спорт

Кыргыз волейболчулары Түркмөнстанга 3:0 эсебинде утулуп калды 100 0

14:58 2024-05-12 | Коом жана турмуш

"Кудайбергендин" айланасында туура эмес токтотулган унааларга 33 миң сом айып салынды 142 0

14:08 2024-05-12 | Кылмыштар, кырсыктар

"Манас" аэропортунда ири суммадагы акча уурдалган. Милиция чет элдик жигитти кармады 628 0

13:26 2024-05-12 | Коом жана турмуш

"Бишкекжашылкурулуш" ишканасына жаңы директор дайындалды. Аны Рамиз Алиев тааныштырды (фото) 400 0

12:47 2024-05-12 | Түркүн дүйнө

Санкт-Петербургда дарыяга кулаган автобус: Айдоочу 5 эле саат уктаганы айтылды 2805 0

11:53 2024-05-12 | Коом жана турмуш

Бишкектин борборунан дагы 6 маршруттук линия алынды (тизме) 826 0

Архив

Комментарийлер (2)

Pankration_MMA

2022-09-12 13:15:00

Интернет мода, популярдуу болгондон бери утрк кирди кире турган жерине. Мурда тим эле керсейишчү асмандын башын сүйлөп. Лично мага баарибир, булардын каналын ващще көрбөй калгам. Спорттун Прямой эфир приложенияларын жүктөп алып жыргап жүрөм.

Эрлан

2022-09-12 15:35:00

Ктрк спорт жалан запись берет, ушул быйылкы курошту 2023-2024 жылдары коробуз ктрк спорттон.

Комментарий калтыруу үчүн өз ысымыңыз менен кириңиз же каттоодон өтүңүз.