“Төлөм жүргүзүүчү терминалды уурдап...”. Кара-Суу районунда кылмыштуу топ кармалды

Оштун Кара-Суу районунда төлөм жүргүзүүчү терминалды уурдап жүргөн кылмыштуу топ кармалды. Бул тууралуу Ош ОИИБинин басма сөз кызматынан маалымдашты.

Ушул жылдын 1-сентябрында милицияга арыз менен Кара-Суу районунун тургуну, 65 жаштагы Ю.М. аттуу жаран кайрылган. Арызында ошол эле күнү болжол менен саат 02:30 чамасында Нариман айылында жайгашкан дүкөндөрдүн биринде (Нур-Телеком) компаниясынын төлөм терминалын белгисиз жарандар уурдап кеткенин жазган.

Бул факты “уурдоо” беренеси менен каттоого алынып, ыкчам-тергөө амалдары башталган. Анын натыйжасында, 6-сентябрь күнү 24 жаштагы И.Б. жана 27 жаштагы С.Т. аттуу жарандар кармалган.

Алар убактылуу кармоо жайына киргизилген. Учурда башка кылмыштарга катыштыгы бар же жоктугу такталууда. Тергөө амалдары уланып жатат.

Автор: Максуда Кудайбердиева