Теңгиз Бөлтүрүктүн баш коргоо чарасы каралып жатат

Бүгүн, 15-сентябрда Башкы прокуратура тарабынан кармалган Теңгиз Бөлтүрүктүн баш коргоо чарасы каралат. Ал сотко алып келинди.

Белгилүү болгондой, анын баш коргоо чарасын Бишкектин Октябрь райондук соту карап жатат.

Буга чейин Башкы прокуратура «Кумтөр Голд Компани» ЖАКтын мурдагы тышкы менеджери, учурда «Улуу көчмөндөрдүн мурасы» улуттук холдингинин жетекчиси Теңгиз Бөлтүрүктү кармаганы белгилүү болгон. Мындан сырткары камсыздандыруу боюнча адис Айша-Гүл Фронтбек кызы Жаналиева менен каржы департаментинин директору Рыспек Токтогулов дагы кармалган.

Башкы прокуратура «Кумтөр Голд Компани» ЖАКтын кызмат адамдарынын коррупциялык схемасынын натыйжасында алдын ала эсептөөлөр боюнча мамлекетке 1 миллиард сомго жакын зыян келтирилгенин билдирген.

Автор: Максуда Кудайбердиева