"16 жаштагы өгөй кызын зордуктап...". Чүйдө кылмышка шектүү кармалды

16 жаштагы өгөй кызын зордуктаган жаран кармалды. Бул тууралуу маалыматты SUPER.KG порталына Чүй облустук ички иштер башкы башкармалыгынан тастыкташты.

Кабарлангандай, ушул жылдын август айынын ортосунда милицияга арыз менен 1984-жылы туулган Г.А. аттуу аял кайрылган. Анда ал биринчи никесинен 2006-жылы туулган кызын зордуктаган күйөөсү 1972-жылы туулган А.Т.га карата чара көрүү өтүнүчү менен кайрылган.

Окуя боюнча бардык жагдайды тактоо максатында соттук-медициналык экспертиза жана соттук-психологиялык-психиатриялык экспертиза дайындалып, жыйынтыгы менен процессуалдык чечим кабыл алынат.

Ички иштер башкы башкармалыгы иликтөөнү дыкат жүргүзүүгө убада берди.

Автор: Максуда Кудайбердиева