Бишкекте эртең айыл чарба жарманкеси өтөт (даректери)

Бишкек шаарында 1-2-октябрда айыл чарба жарманкеси өтөт. Бул тууралуу калаа бийлигинен маалымдалды.

Кабарлангандай, жарманкеде эт, сүт азыктары, ун, бал, жашылча-жемиштер, жумуртка жана башка көптөгөн азыктар сунушталат.

Биринчи Май районунда жарманке саат 8:00дөн 18:00гө чейин И.Раззакова көчөсүнүн Киев-Токтогул көчөлөрүнүн ортосундагы жерде өтөт.

Свердлов районунда эртең мененки саат 8:00дөн 18:00гө чейин Төрөкул Айтматов жана Токтогул көчөлөрүнүн кесилишинде өткөрүлөт.

Октябрь районунда 1-октябрдан 31-декабрына чейин дем алыш күндөрү (ишемби жана жекшембиде) саат 07:00дөн 19:00гө чейин Н.Жетикашкаева көчөсүндө Айтиев көчөсүнөн А.Токомбаев көчөсүнө чейин өтөт.

Жарманкени борбор калаанын мэриясы Айыл, суу чарба жана региондук өнүктүрүү министрлиги менен биргеликте уюштурууда.

Автор: Айжанар Рыспек кызы
Фото: Бишкек шаардык мэриясы