Актёр Аскат Эрбаев: "Тасмага тартылуу үчүн мага күлкү келерлик гонорар сунушталган"

"Министрдин кызынын махабаты" тасмасында негизги ролду аткарган белгилүү актёр Аскат Эрбаев SUPER.KG порталына маек берди.

Маегинде актёр тасманын төртүнчү бөлүгүнө эмне себептен тартылбай калганын айтып берди.

"Башында менин катышуум менен 2 күн съемка болгон. Бирок анда тасма башталды деп съемка болгон эмес. Анда демөөрчүлөргө көрсөтө турган тизери эле тартылган. Тасма андан кийин тартыла баштаган. Рустам байкенин маегин мен дагы көрдүм. Мен өзүм актёрлук кесипти бүттүм. Муну абдан жакшы түшүнөм. Бул жерде чоң эмгек, мээнет бар. Ошонун баарын көрүп туруп мен тасманын жарымына келип таштап койчу киши эмесмин", - дейт ал.

Ошондой эле Аскат Эрбаев ага тасмада катышкан улуу адамдар дагы келгенин белгиледи. Бирок ал тасмага тартылуудан баш тарткан.

"Тасмага катышкан аксакал актёрлор мага келди. Мен тасмага тартылуудан баш тарттым. Мунун дагы бир себеби бар. Гонорар маселеси деле чечилбей калды. Башында баарыбыз чогулуп, сүйлөшүп отурганда ошол эле жерден бул маселе көтөрүлгөн. Эми мурункудай студенттер жок, бекер актёр жок, азыр бардыгыбыз окуу-жайды бүтүп, толук кандуу актёр болуп калдык.

Анан ошол жерден мен эң көңүл бура турган нерсе сценарий экенин айткам. Бул жерден менин көңүлүмө толбогону гонорар маселеси дагы болду. Азыр мага сунуштаган суммасын айтсам элдин баарынын күлкүсү келет. Айтпай эле коёюн эми", - деди Аскат Эрбаев.

Автор: Азат Бейшенбеков

14:28 02-10-2022

Жазылуу

РУБРИКАДАГЫ СОҢКУ КАБАРЛАР

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 36 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 642 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 836 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 991 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 474 0

17:12 2025-05-08 | Коом жана турмуш

“Мектепке кирүү, ооруканага баруу кыйын болуп калат” дейт 14 жаштагы Аруужан (видео) 970 0

Архив

Комментарийлер (3)

Кылым

2022-10-02 19:08:00

Аскат байкэ тартылганда кадимкидэй соонун болмок мурдакы кэйипкэрлер өздөрү рол жаратканда эң элэ бийик дэңгэлдеки тасма болмок биз этникалык кыргыздар дагы айабай жактырып көргөн мыкты тасма элэ Аскат байкеге чыгармачылык ийгилик дагыда соонун килиптерди тартып кыргыз кийночулугун эл аралык дэңгэлдерге көтөрүп көп сэрийалды кийнолорду жаратусуна тилектешмин дэгеле кыргыз кйнолору дүркүрөп өнүп өссө екен

URTI

2022-10-02 22:37:00

Кылым Чыпалак баатырдын бир тууганы болосуз го ээ

Кылым

2022-10-03 09:14:00

Ооба туган тура айтасың сизда биздин тугандардан окшобойсузбу

Комментарий калтыруу үчүн өз ысымыңыз менен кириңиз же каттоодон өтүңүз.