Алтынбек Максутов Маданият министрлигинин эмгек жамаатына тааныштырылды (фото)

Маданият, маалымат, спорт жана жаштар саясаты министрлигинин борбордук аппаратынын жамаатына министрдин милдетин аткаруучу Алтынбек Максутовду министрлер мабинетинин төрагасынын орун басары Эдил Байсалов тааныштырды. Бул тууралуу министрлер кабинетинин басма сөз кызматы билдирди.

Эдил Байсалов өз сөзүндө жаңы жетекчинин ишине ийгиликтерди каалап, заманбап тенденцияларды эске алуу менен ыкчам иштөө маанилүү экенин белгиледи.

Ошондой эле ал өз сөзүндө министрлик мамлекеттин идеологиялык өзөгү болуп, маданият, маалымат, спорт, туризм, жаштар саясатын жана улуттар аралык мамилелерди жөнгө салган ири мамлекеттик мекеме экенин баса белгиледи.

Эске салсак, Алтынбек Максутов президенттин жарлыгы менен Маданият, маалымат, спорт жана жаштар саясаты министринин милдетин аткаруучу болуп дайындалган.

Автор: Азат Бейшенбеков