Орусияда аскер полигонуна террорчулар кол салып, 11 киши каза болду

Кечээ, 15-октябрда Орусиянын Белгород облусунун Батыш аскер округунун полигонуна террорчулар кол салып, 11 киши каза болду. Бул тууралуу Орусиянын басылмалары Коргоо министрлигине шилтеме берип жазып чыкты.

Маалыматка ылайык, терракт ыктыярчыларды ок атууга үйрөтүп жаткан маалда болгон.

"Атайын аскердик операцияга катышууну өз ыктыяры менен билдирген адамдар менен ок атуу боюнча машыгууларды өткөрүү учурунда террористтер бөлүктүн өздүк курамына кол салышкан", - деп айтылат анда.

Орус аскерлеринин маалыматы боюнча, КМШ өлкөлөрүнүн биринин эки жараны ок чыгарган. Алар жооп кайтаруу менен жок кылынганы айтылат. Натыйжада 11 адам каза болуп, дагы 15 адам ар кандай деңгээлдеги жаракаттар менен медициналык мекемеге жеткирилген.

Автор: Бек Оморбеков
Фото: Иллюстрациялык сүрөт