Бодо малын алып, акчасын бербей жүргөн. Алдамчылыкка шектүү кармалды

Баткен облусунда алдамчылык менен издөөдө жүргөн жаран Оштон кармалды. Маалыматты Баткен ОИИБи билдирди.

Ага ылайык, Лейлек районунун Сумбула айылынын тургунунун эки баш уюн мал базарда 2021-жылдын декабрь айында Ош шаарынын 58 жаштагы Б.А. аттуу тургуну 78 000 сомго баалап алып, акчасын бербей качып жүргөн.

Милицияга жабырлануучу 2022-жылдын 18-июнунда арыз менен кайрылган. Анын негизинде Кылмыш жаза кодексинин 209-беренеси менен (алдамчылык) кылмыш иши козголуп, шектүү Б.А. сот жообунан качып, сотко келбей качып жүргөн.

17-октябрда издөөдө жүргөн Б.А. аттуу жаран Ош шаарынан Лейлек РИИБинин кылмыш иликтөө бөлүмүнүн ыкчам кызматкерлери тарабынан кармалып, убактылуу кармоочу жайына киргизилген.

Учурда сот иштери уланууда.

Автор: Айжанар Рыспек кызы
Фото: Баткен ОИИБ