Бишкектин чок ортосунда ок атуу болду

Кечээ, 23-октябрь күнү кечинде Бишкектеги кафеде кардарлардын ортосунда жаңжал чыгып, ок атылды. Бул тууралуу SUPER.KG порталына өздүк булактар кабарлашты.

Билдирүүгө караганда жаңжалдан кийинки ок атуудан эки адам жаракат алган. Бул боюнча Биринчи Май райондук ички иштер бөлүмүнө байланышканыбызда маалыматты тактады.

"Бул факты кылмыштардын жана жоруктардын бирдиктүү реестрине катталып, тергөөгө чейинки текшерүү иштери башталды. Милиция кызматкерлери окуянын катышуучуларын аныктап, керектүү экспертизаларды дайындашкан", - деп билдиришти Биринчи Май РИИБнен.

Автор: Азат Бейшенбеков