Месси Пикенин карьерасынын жыйынтыкташына эч кандай реакция кылган жок. Анын себеби айтылды

"ПСЖ" футболдук клубунун чабуулчусу Лионель Месси "Барселонада" чогуу ойногон мурдагы командалашы Жерар Пикенин карьерасын бүтүрүү чечимине эч кандай комментарий берген жок. Бул тууралуу чет элдик спорттук басылмалар жазышты.

Жерар Пике 3-ноябрда клубдагы карьерасын аяктаганын жарыялаган. Андан кийин көптөгөн футболчулар коргоочуга урмат-сый жана колдоо сөздөрү менен кайрылышкан, бирок Месси үн каткан эмес.

Лионель Мессинин чечими акыркы жылдары пайда болгон эки оюнчунун ортосундагы чыр-чатакка байланыштуу. Месси "Барселона" клубунда ойноп жүргөндө маянасын кыскартуудан баш тартканы үчүн Пике экөөнүн ортосунда жаңжал чыккан. Мындан улам ал Пикени карьерасынын аякташы тууралуу сөз кылбайт.

Кечээ, 6-ноябрда өткөн "Барселона" - "Алмерия" беттеши Пике үчүн акыркы оюн болду. Ал коштошуу сөзүн сүйлөп жатып көзүнө жаш алды.

Автор: Азат Бейшенбеков