Бал шириндер, таттуу түгөйлөр... Кыргыз шоу чөйрөсүндө жылдыздуу өкүл ата, өкүл апалар

Ата салтын аздектеген кыргыз элинде жаңы үйлөнүп жаткан эки жашка өкүл ата, өкүл апа дайындоо да өзгөчө мааниге ээ. Ар бир ата-эне жаш жубайларга кадыр-барктуу, үлгүлүү үй-бүлөдөн өкүл ата, өкүл эне дайындоого далалат кылышат. Атүгүл, аларга экинчи ата-эненин милдети, жоопкерчилиги артылып, өмүр бою улана турган мамиле пайда болот.

Бул жолу шоу-бизнес чөйрөсүндөгү бир нече жылдыздуу өкүл ата, өкүл апалардын тизмесине көз жүгүртөбүз.

Шоу-бизнес чөйрөсүндө бал ширин түгөй аталган ырчылар Урмат Усенов менен Неля, ырчы Нурлан Насип менен Асел Кадырбекованын өкүл ата, өкүл апасы болуп шайланган.

Ырчы Самара Каримова менен жолдошу Асан Мансуров, кош жылдыз аталган жылдыздуу түгөйлөр Аваз Акимов менен Айдана Деканын өкүл ата, өкүл апасы болуп саналат.

Ал эми жылдыздуу түгөйлөр Аваз менен Айдана жакында кино тармагында жылдызы жанган таттуу түгөйлөр Урмат менен Океананын өкүл ата, өкүл апасы болуп шайланды. Ырчылар мындай макамга алгачкы ирет ээ болуп жатканын баса белгилешкен.

Ар бир ыры хитке айланган ырчы Мирбек Атабеков менен жубайы Мээрим, ырчы Бек Исраилов менен Айжаркындын өкүл ата, өкүл апасы экенин айта кетели.