Коңшу Тажикстанга тоок филесин аткезчилик жол менен алып өткөн жаран кармалды

Коңшу Тажикстанда аткезчилик жүктү алып өтүүгө аракет кылган Лейлек районунун тургуну кармалды. Бул тууралуу УКМКдан кабарлашты.

Аталган жаран Достук айылынын тургуну. Ал Мерседес-Бенц Спринтер унаасы менен УКМК кызматкерлерине баш ийбей, чек арадан мыйзамсыз өтүп, Тажикстанга бет алган.

"УКМКнын кызматкерлеринин транспортту токтотуу талабына баш ийбей, Худжент-Арка унаа жолуна чыгып, андан соң контрабандалык жүктү сатуу максатында Кыргыз Республикасынын мамлекеттик чек арасын мыйзамсыз кесип өтүп, Тажикстан Республикасын көздөй бет алган.

Бул факты боюнча кылмыш иши козголуп, 2022-жылдын 15-ноябрында Ж.Х. эки суткага Баткен районунун ички иштер башкармалыгынын убактылуу кармоочу жайына камалды", - деп билдиришти УКМКдан.

Автор: Азат Бейшенбеков