Кадамжайда чет өлкөдө издөөдө жүргөн жаран кармалды

Баткендин Кадамжай районунда чет өлкөдө издөөдө жүргөн жаран кармалды. Бул тууралуу облустук милициядан билдиришти.

Орусияда ушул жылдын 2-декабрынан бери аталган өлкөнүн К.Л. аттуу 26 жаштагы жараны издөөдө жүргөн. Ал башка бирөөнүн мүлкүн жашыруун уурдоо фактысына шектелген.

"Жогоруда аталган жаран 7-декабрь күнү Баткен облусунун аймагынан аныкталып, кармалды", - деп айтылат маалыматта.

Азыркы күндө кармалган жаран убактылуу кармоо жайына киргизилген. Тиешелүү иш кагаздары толтурулуп, экстрадициялоо жагы каралып жатканы кабарланды.

Автор: Максуда Кудайбердиева
Фото: Баткен ОИИБ