"Тамашоу": Эрмек Нурбаев "Фристайл" сынагында жаштарды үйлөнткөндө

Бүгүн, 8-декабрда Бишкек шаарындагы Спорт Ордосунда "Тамашоунун" 6-сезонунун чейрек финалы өтүүдө. Учурда командалар "Фристайл" сынагы боюнча таймашууда. “Нацстан”, “Кыргыз двор”, "Бороондуу Балыкчы", “Бишкек”, “IUK”, “Айым стайл”, "Рота" жана "40 чоро" командалары тамашалары менен көрүүчүлөргө мыкты маанай тартуулашты.

Сынакта “IUK” курама командасы Спорт Ордосун жаштарды үйлөнтүүчү кафеге айлантты. Эрмек Нурбаев биринчи жаш үй-бүлөнүн түзүлүшүнө көмөкчү болду.

"Кыргыз двор" курама командасынын тамашасы:

- Бизде айылдан шаарга келгендер деле өз кесиби менен иштеп жатышат.

- Ооба, Тыкы аке айылда трактор айдачу. Шаарда автобус айдап жатат.

-Туура, Таалай байке айылда тоок уурдачу, мына шаарга келип өз кесиби менен депутат болуп иштеп жатат.

"Рота" курама командасынын тамашасы: Аскерлер менен студенттердин айтышы.

Студенттер:

- Акыя, акыя, акый-акый акыя. Трактор, трактор. Бурамасын бураптыр. Ушул турган аскерлер, Кызга жетпей ыйлаптыр.

Аскерлер:

- Акыя, акыя, акый-акый акыя. Оң колумда атыр. Сол колумда атыр. Ушул турган гражданскийлер. Армиядан качыптыр.

Аскерлер:

- Акыя, акыя, акый-акый акыя. Мына 5 жыл окудуң. 100 миң контракт төлөдүң. Мына эми "Ош базарда" сен. Единица салып жүрөсүң.