Баткенде Лексус GX 470 менен Опел-Астра унаасын мыйзамсыз алып өткөндөр кармалды (фото)

Баткенде Лексус GX 470 жана Опел-Астра үлгүсүндөгү унааларды аткезчилик жол менен мыйзамсыз алып өтүү фактысы аныкталды. Бул тууралуу УКМКнын басма сөз кызматы билдирди.

Маалымдалгандай, аталган унаалардын мамлекеттик номуру жана документтери жок болгон.

Айдоочуларынын көрсөтмөлөрүнө ылайык, унаалар коңшу мамлекеттин жарандары алардан акча карыз болгонуна байланыштуу алынган.

Бул фактылар автоматташтырылган маалымат системасынын маалымат журналына катталды.

Учурда материалдарды кароо уланууда.

Автор: Бурулсун Айдарбек кызы