Жалал-Абадда чиновниктен 30 миң сом талап кылган блогер кармалды (фото)

Жалал-Абад облусунда опузалап пара талап кылууга шектелип активдүү интернет-блогери кармалды. Бул тууралуу УКМКнын маалымат кызматы кабарлады.

Билдирүүгө ылайык, кармалган блогер Д.С.М. социалдык түйүндөрдө интернетте ар кандай чагымчыл макалалардын жарыяланышын токтоткондугу үчүн Ала-Бука райондук мамлекеттик мекемесинин жетекчисинен опузалап акча талап кылган.

"12-декабрда аталган блогер 30 миң сом өлчөмүндөгү акча каражатын алып жаткан жеринен УКМКнын кызматкерлери тарабынан кармалды. Кармалган адам УКМК тергөө камак жайынын убактылуу кармоочу жайына киргизилди", - деп билдиришти УКМКдан.

Учурда тергөө иштери жүрүп жатат.

Автор: Азат Бейшенбеков