Кадамжайда мыйзамсыз ок атуучу куралды сактап жүргөн жаран аныкталды

Баткен облусунун Кадамжай районунда мыйзамсыз ок атуучу куралды сактап жүргөн жаран аныкталды. Бул тууралуу Баткен ОИИБинин басма сөз кызматынан билдиришти.

Маалыматка ылайык, Кадамжай РИИБдин кызматкерлери тарабынан “Арсенал” иш-чарасы өткөрүлүп, Үч-Коргон айылдык милиция бөлүмчөсүнүн кызматкерлери тарабынан ыкчам иш аракеттер жүрүп, Майдан айыл аймагынын 35 жаштагы тургуну Ж.Ы.нын унаасында мыйзамсыз алып жүргөн сайлуу ок атуучу курал жана октор алынган.

Тергөө иштеринин жүрүшүндө куралдын документтери жок болуп чыккан. Бул факты боюнча териштирүү жүрүп, айып пул салынган.

Автор: Айсалкын Качкынбекова