Футбол боюнча Дүйнө чемпиондугунда Хорватия 3-орунга ээ болду

Хорватиянын курама командасы футбол боюнча Дүйнө чемпиондугунда үчүнчү орун үчүн беттеште Марокко курамасын утуп алды. Курама команда 2:1 эсебинде жеңишке жетти.

Эсепти Хорватиялык коргоочу Йошко Гвардиол ачып, оюндун 7-мүнөтүндө гол киргизди.

Бирок 9-мүнөттө эле марокколук коргоочу Ашраф Дари эсепти теңеди – 1:1.

Чечүүчү голду 42-мүнөттө хорватиялык чабуулчу Мислав Оршич киргизди.

Хорватия курама командасы муну менен экинчи ирет Дүйнөлүк чемпионатта медалга ээ болуп отурат. Эске салсак, 2018-жылдагы чемпионаттын финалында команда Франция курамасына утулуп калган.

Марокко жеңилгени менен тарыхындагы эң мыкты жыйынтыкка жетишти. Улуттук курама Африкадан дүйнө чемпионатынын жарым финалына чыккан биринчи команда болду.

Автор: Максуда Кудайбердиева