Социалдык өнүктүрүү министри Кудайберген Базарбаев ооруканага түштү

Социалдык өнүктүрүү министри Кудайберген Базарбаев ооруканага жаткырылды. Анын кан басымы көтөрүлүп кеткени кабарланды.

Бул тууралуу анын орун басары Нурдөөлөт Базарбаев Жогорку Кеңештин бүгүнкү, 21-декабрдагы жыйыны учурунда билдирди.

Эл өкүлдөрү министрдин жыйынга эмне себептен келбегенине кызыгышкан.

"Ал кечээ, 20-декабрда ооруканага жаткырылды", - деп билдирди Базарбаев.

Ошол эле учурда жыйынга министрлер кабинетинин төрагасынын социалдык блокту жетектеген орун басары Эдил Байсаловдун келбей калганына депутаттар нааразы болушту.

Автор: Максуда Кудайбердиева