Лейлекте тажикстандыктар уурдап кеткен малдар кайтарылды

Лейлекте Кыргызстан менен Тажикстандын милиция кызматкерлери сүйлөшүүлөрдүн негизинде уурдалган малдар кайтарылды. Бул тууралуу Баткен облустук ички иштер башкармалыгынан билдиришти.

Билдирүүгө ылайык, эки өлкөнүн милиция кызматкерлери жолугушууда эки элдин ортосунда ар кандай пикир келишпестиктердин жана улуттар аралык чыр-чатактардын алдын алуу, чек ара тилкелеринде жашаган тургундарга пиротехникалык каражаттарды колдонууга тыюу салынганын эскертип, коомдук коопсуздукту көзөмөлдөөнү колго алынган.

Ошондой эле мурда уурдалып кеткен 3 уй, 3 музоону кыргыз тарап өткөрүп алып, ал эми тажик тараптын 6 баш бодо малы өткөрүлүп берилди.

Автор: Азат Бейшенбеков