Жалал-Абадда "Грабитель" иш-чарасы учурунда 16 кылмыштын бети ачылды

26-27-январь күндөрү Жалал-Абад облусунун аймагында "Грабитель - тоноочу" аталышындагы ыкчам-иликтөө издөө жана профилактикалык иш-чарасы өткөрүлдү. Бул тууралуу бүгүн, 30-январда облустук милициядан кабарлады.

Маалыматка ылайык, анын алкагында 16 кылмыш ишинин бети ачылып, 2 жаран убактылуу кармоочу жайга киргизилди. Алардын бири алдамчылыкка шектелип издөөдө жүргөн болсо, экинчиси 1 каракчылык фактысы жана 3 тоноочулук фактысына шектелип кармалган.

Ачылган кылмыш иштери:

- Алдамчылык – 1;
- Каракчылык – 1;
- Автоунааны укукка жат түрдө ээлеп алуу – 2;
- Тоноо – 3;
- Урдоо – 9.

Мындан сырткары дайынсыз болуп жаткан жашы жете элек 1 өспүрүм милиция тарабынан табылып, ата-энесине өткөрүлүп берилгени кошумчаланды

Автор: Бек Оморбеков
Фото: Жалал-Абад ОИИБ