Беш облуста жергиликтүү кеңештерге шайлоо өтөт

Өлкө башчы Садыр Жапаров "Нарын, Баткен, Ош, Талас жана Чүй облустарынын айрым жергиликтүү кеңештеринин депутаттарын шайлоону дайындоо жөнүндө" жарлыкка кол койду. Бул тууралуу бүгүн, 7-февралда президенттин маалымат кызматынан кабарлады.

Ага ылайык, 9-апрелде аталган облустарда айрым жергиликтүү кеңештерге шайлоо өтөт.

Шайлоо өтө турган кеңештердин тизмеси:

Нарын: Жумгал районунун Чаек, Көк-Ой айылдык кеңештери.

Баткен: Баткен районунун Самаркандек, Ак-Сай, Ак-Татыр айылдык кеңештери.

Ош: Кара-Кулжа районунун Кеңеш айылдык кеңеши, Алай районунун Кабылан-Көл айылдык кеңеши, Ноокат районунун Исанов айылдык кеңеши, Кара-Суу районунун Отуз-Адыр айылдык кеңеши.

Талас: Кара-Буура районунун Шекер, Бейшеке, Бакыян айылдык кеңештери.

Чүй: Жайыл районунун Кызыл-Дыйкан айылдык кеңеши, Аламүдүн районунун Байтик айылдык кеңеши.

Автор: Бек Оморбеков
Фото: Интернеттен алынды