Баткенде аким менен мэр мамлекеттик унаа менен жол кырсыгына кабылды
Баткен районунун акими Учкун Жоробаев менен Баткен шаарынын мэри Имамназар Бурканов жол кырсыгына кабылды. Бул тууралуу SUPER.KG порталына өздүк булактар билдирди.
Маалымдалгандай, жол кырсыгы 18-январь күнү болгон. Рулда акимдин айдоочусу болгону айтылат. Кырсык Лейлек районуна бара жаткан жолдо болгон. Алар катуу ылдамдыкта бара жатып, жолдон чыгып кеткен.
Кырсыкка кабылган унаа президент тарабынан Баткенге берилген.
Ал эми унаа учурда оңдоп-түзөөдөн өткөрүлүп жатканын өздүк булак кошумчалады.