Бүгүн, 8-февралда Бишкекте алдамчылык үчүн мекенинде издөөдө жүргөн казакстандык жаран кармалды. Бул тууралуу Бишкек шаардык милициясынын маалымат кызматынан билдиришти.
Маалымдалгандай, ал чек араны мыйзамсыз кесип өткөн.
"Милиция УКМК менен биргеликте Казакстандын 1988-жылы туулган О.К. аттуу жаранын кармады", - деп айтылат билдирүүдө.
Кармалган жарандын Казакстанда ири өлчөмдө алдамчылык кылганы үчүн издөөдө жүргөнү маалымдалды.
Ал убактылуу кармоочу жайга киргизилди.