Мелис Эшимкановду эскерүү кечеси: Түгөлбай Казаков "Жылдын мыкты журналисти" деп табылды (фоторепортаж)

"Жылдын мыкты журналисти-2013" наамынын ээси Түгөлбай Казаковго сыйлык тапшырылууда.

"Жылдын мыкты журналисти-2013" наамына Түгөлбай Казаков татыктуу болду. Былтыр бул наам Алым Токтомушевге ыйгарылган болчу.

5-каналдан көрсөтүлүүчү "Жайлоодо" программасы да Мелис Эшимканов атындагы коомдук фонд тарабынан уюштурулган сыйлык менен сыйланды.

Эшимкановду эскерүү кечесинин жүрүшүнөн.

Эшимкановду эскерүү кечесине КРнын Экономика министри Темир Сариев да келди.

Токтобек Асаналиевдин аткаруусундагы "Сен ооруба, мен ооруюн, Ата Журт" Мелис Эшимкановдун сүйүп уккан ырларынын бири эле.

КРнын Маданият, маалымат жана туризм министри Султан Раев Мелис Эшимканов менен студенттик күндөрдөн бери тааныш болчу. Ал "Эң алгач Фрунзеге келгенде Мелис менен таанышкан болчум" деди.

Эскерүү кечесинде кыргыздын улуттук бийлерине да орун берилди.

Түгөлбай Казаков менен Күмөндөр Абылов.

Эскерүү кечесинин сыйлуу коноктору.

Аскар Салымбеков Мелис Эшимкановдун кино тартуу тилеги орундалбай кеткенин айтты

Бишкекте 9-декабрда Мелис Эшимканов атындагы коомдук фонд тарабынан уюштурулган “Жылдын мыкты журналисти-2013” сынагы жыйынтыкталды. Анда “Жылдын мыкты журналисти” наамына КТРКнын “Улутман” берүүсүнүн алып баруучусу, журналист, коомдук ишмер Түгөлбай Казаков татыктуу болду.

Ошондой эле фонд тарабынан атайын сыйлыктар каралып, бир катар журналисттер менен университеттердин журналистика факультетинде билим алган студенттер атайын сыйлыктар менен сыйланышты.

Автор: Темирбек Матаев
Фото: Темирбек Матаев