Караколдо мечитте садакага чогулган акчаны уурдаган 3 жигит кармалды

Караколдо 3 жигит Ибрагим Ажы атындагы борбордук мечитте садакага чогулган акчаны уурдап кетишкен. Бул тууралуу SUPER.KG порталына облустук милициядан билдиришти.

Маалымдалгандай, бул боюнча маалымат милицияга 3-февралда келип түшкөн. Аталган факты каттоого алынып, "Уурдоо" беренеси менен кылмыш иши козголгон.

Милициянын издөө иштеринин жүрүшүндө кылмышка шектүү катары Каракол шаарынын тургундары 2001-жылы туулган А.А. жана Т.К, 2002-жылы туулган Т.Т. аттуу жарандар кармалган.

Шектүүлөр алдын ала суракта күнөөлөрүн моюнуна алып, келтирилген чыгымды кайтарып беришкен.

Автор: Максуда Кудайбердиева