Тогуз-Тородо калың кардан улам 80 баш кой өлдү (фото)

Жалал-Абад облусунун Тогуз-Торо районунда калың кардан улам чабандын 80 баш кою өлдү. Бул тууралуу өзгөчө кырдаалдар министрлиги кабарлады.

Маалыматка ылайык, Тогуз-Торонун Үч-Үңкүр тилкесинде калың жааган кардан улам кыштоодо калган чабандын кой кармаган бастырмасы кулап, 80 баш кою өлгөн.

"Жерине 9 куткаруучу тартылган. Жолдо кар калың болгондугуна байланыштуу 1 жүктөгүч жолду ачып берген. Койлордун өлүгүн куткаруучулар унаа барчу жерге чейин жеткирүүгө көмөк көрсөтүшкөн. Адам өмүрүнө зыян келген эмес", - деп билдиришти ӨКМдан.

Автор: Азат Бейшенбеков