Жол эрежесин бузгандарга айып пулдун өлчөмү көбөйдү (тизме)

8-марттан тарта жол эрежесин бузган айдоочуларга катаал жаза колдонула баштайт. Тиешелүү мыйзамга өлкө башчы Садыр Жапаров кол койду.

Мыйзамдын долбоору жол-унаа кырсыктарын алдын алуу жана айдоочулук тартипти бекемдөө максатында иштелип чыккан.

Жол кыймылы коопсуздугун камсыздоо башкы башкармалыгы жаңы талаптар тууралуу айтып берди:

- унаа башкарууга укугу жок жарандар унаа айдаса - мурда 5 500 сом болчу, эми 15 000 сом;

- белгиленген нормадагы ылдамдыктан 40-60 чакырым/сааттан ашса - мурда 5 500, эми 7 500 сом;

- белгиленген нормадагы ылдамдыктан 60 чакырым/сааттан ашса - мурда 7 500, эми 15 000 сом;

- жол чырактын кызыл түсүнөн өтсө же тротуар менен жүрсө - мурда 3 000, эми 5 000 сом;

- каршы тилкеге чыгып айдаса - мурда 5500 сом, эми 15 000 сом;

- унаа бейбаштыгы - мурда 7 500, азыр 15 000 сом. Эреже кайталап бузулса 6 айга айдоочулук күбөлүгүнөн ажыратылат;

- айдоочу унааны кырсык болгон жерге таштап кетсе, бирок анын аракетинде кылмыш курамы байкалбаса айдоочулук күбөлүгүнөн 6 айга ажырайт. Мурда айып пул 10 миң сом болчу;

- жасалма номер менен унаа айдагандар үчүн айып пул 20 миң сом, кайталап мыйзам бузса бир жылга айдоочулук күбөлүгү жарактан чыгарат;

- мурда айдоочу 10 миң сомго чейин төлөнбөгөн айып пул менен жүрө берчү. Эми 3000 сомдон ашса унаа айып короого токтотулат;

- унаасына этикага туура келбеген, мыйзамсыз аракеттерге чакырган адаттан тыш жазууларды, сүрөттөрдү жабыштырып алса 5 500 сом айып салынат;

- бир жыл ичинде үч же андан көп жол эрежесин бузса кайрадан экзамен тапшырат.

Мындан сырткары, салынган айып пулдарды 70 пайыздык жеңилдик менен төлөө мөөнөтү он беш күндөн бир айга узартылат.

Автор: Бек Оморбеков
Фото: Бек Оморбеков

16:31 24-02-2023

Жазылуу

РУБРИКАДАГЫ СОҢКУ КАБАРЛАР

21:43 2025-06-09 | Кылмыштар, кырсыктар

Чүйдөгү базарда пневматикалык курал саткан жаран аныкталды 76 0

20:51 2025-06-09 | Кылмыштар, кырсыктар

Бишкекте самокатчан өспүрүмдү сүзүп кеткен айдоочу кармалды 300 0

20:27 2025-06-09 | Коом жана турмуш

Бишкекте 10-июндан тарта дагы бир көчө жабылат 278 0

20:14 2025-06-09 | Коом жана турмуш

Бишкекте 61 жаштагы Алтын Эрматова дайынсыз болууда 424 0

19:58 2025-06-09 | Саясат

Адылбек Касымалиев Өзбекстанга жумуш сапары менен барат 212 0

19:36 2025-06-09 | Коом жана турмуш

Чолпон-Атада Азия өлкөлөрүнүн өкүлдөрү ак илбирсти коргоо үчүн чогулушту 250 0

Архив

Талкуу жабык.