Рухий-Мурас конушуна газ берүү 2 күнгө токтотулат

Рухий-Мурас конушуна газ берүү 2 күнгө токтотулат. Маалымдалгандай, аталган конушта 6-7-март күндөрү болбойт. Бул тууралуу "Газпром Кыргызстан" компаниясынан билдиришти.

Белгиленгендей, газ берүү "Кырман" жаңы конушун бирдиктүү газ тармагына кошуу иштерине байланыштуу токтотулат.

Жаңы конушту газга кошуу иштери "Бишкекгаз" шаардык газ кызматы тарабынан жүргүзүлмөкчү.

"Бишкекгаз" түзүлгөн ыңгайсыздыктар үчүн кечирим сурайт жана түшүнүү менен кабыл алууну өтүнөт, ошондой эле абоненттерди аталган убакыт аралыгында энергиянын альтернативдүү булактарын колдонууну сунуштайт. Аткарыла турган иштер "Кырман" конушундагы 667 турак-үйдү газдаштыруу максатында жасалууда.

Автор: Максуда Кудайбердиева