ИИМ Чүй менен Нарындагы бир нече жетекчилерди ротациялады (тизме)

Ички иштер министрлигинин тутумунда бир катар кадрдык өзгөрүүлөр болду. Бул тууралуу бүгүн, 7-мартта мекеменин маалымат кызматынан билдирди.

Жаңы дайындалгандар:

- Сапарбек Асаналиев Чүй ОИИББнын башчысы кызматынан бошотулуп, Нарын ОИИББнын башчысы кызматына дайындалды;

- Дамирбек Исаков ИИМдин Күзөт кызматынын башчысы кызматынан бошотулуп, Чүй ОИИББнын башчысы кызматына дайындалды;

- Каныбек Абдырахманов Чүй ОИИББнын башчысынын ыкчам иштер боюнча орун басары кызматынан бошотулуп, Ички иштер министрлигинин Күзөт кызматынын башчысы болуп дайындалды;

- Талантбек Аттокуров Чүй ОИИББнын кылмыш иликтөө башкармалыгынын башчысы кызматынан бошотулуп, ошол эле облустун Жайыл РИИБинин начальниги кызматына дайындалды;

- Искен Базаркулов Чүй облусунун Жайыл РИИБинин башчысы кызматынан бошотулуп, Чүй ОИИББ башчысынын ыкчам иштер боюнча орун басарынын милдеттерин убактылуу аткаруу жүктөлдү;

- Руслан Кадыров Чүй ОИИББнын кылмыш иликтөө башкармалыгынын башчысы кызматына дайындалды.

Жаңы дайындалган жетекчилерге коомдук тартипти сактоо, кылмыштуулук менен күрөшүү жана аны алдын алуу, ошондой эле жарандардын арыз-кайрылууларына өз убагында жооп берүү тапшырмалары берилгени кошумчаланды.

Автор: Бек Оморбеков
Фото: ИИМдин маалымат кызматы